अवध में प्रगटे हैं
रघुवीर ।
राम भरत रिपुसूदन सुंदर
रामानुज वर वीर ।।१।।
पावन पुरी अयोध्या सोहै
कल कल सरयू नीर ।
सुंदर गान बाजने नाना सुर
नर मुनि जन भीर ।।२।।
भूपति द्वार गगन गलियन अरु पावन सरजू तीर ।
घर घर उत्सव महामहोत्सव
उडै गुलाल अवीर ।
आनंद मगन सकल नर नारी पुलकित रोम शरीर ।
नाना दान देत भूपतिमणि हय
गय गो मणि चीर ।
शिव अज नारद आदि विशारद मुदित सकल मतिधीर ।
दीन संतोष नाथ रघुनंदन धारो
कर मम सीर ।।५।।
।। जय रघुवीर ।।
अयोध्या
पुरी में बहुत बड़ा उत्सव हो रहा हैं क्योंकि अयोध्याजी में धनुषधारी रामजी प्रगट हुए
हैं -
प्रगटे राम धनुधारी, अवध में उत्सव है
भारी ।
सब कोउ नाचै सब कोउ गावै, आनंद अमित
थाह को पावै ।
जन्में हैं सुत चारी । अवध. ।।
दशरथ मोद बरनि नहिं जावै, मणि माणिक
गज बाजि लुटावैं ।
हर्षित सब नर नारी । अवध. ।।
सुर नर मुनि दर्शन को धाये, देखत सब
जिमि चित्र बनाये ।
अनुपम रूप निहारी । अवध. ।।
स्मितवक्त्र राम छवि सोहै, सचर अचर अस
कोउ नहिं मोहै ।
देखत ओर हमारी । अवध. ।।
दीन संतोष के नाथ सलोने, मत करना कोई
जादू टोने ।
अतुलित छवि बलिहारी । अवध. ।।
।। श्रीराम लला की जय ।।
।। श्रीरामचंद्राय नमः ।।
अवधपुरी प्रगटे रघुराई ।
शिव अज साधू मुनि जन खोजत, सोई महानिधि पाई ।।१।।
परमानंद मगन मन राजा, सो सुख बरनि न जाई ।
कौशल्या प्रभु गात निहारैं, बलि बलि रूप निकाई ।।२।।
जलजनयन जलजानन कर पद, सुभग सब अंग सुहाई ।
छवि सीकर जेहिं जग छवि उपजै, देखत कोउ न लुभाई ।।३।।
चौदहों भुवन बाजने बाजैं, घर-घर मोद बधाई ।
शिव अज आदिक मुनि सनकादिक, अवधपुरी महुँ आई ।।४।।
जन्म महोत्सव राम लला को, देखत अति हर्षाई ।
सुंदर श्याम सलोने रघुवर, चितवत जन मुस्काई ।।५।।
नाचैं गावैं मोद मनावैं, मन चित लोग गवाँईं ।
मंगल मूल सगुन घर-घर जग, दीनबंधु रहे आई ।।६।।
बानर भालु विभीषण आदिक, दीन रहे शुभ छाई ।
सुरगन पुर नभ नाचहिं गावहिं, दुख अरु सोच बिहाई ।।७।।
परिजन पुरजन हर्षित सुनि सुनि, महिमा भाग्य बड़ाई ।
जाचक जन सब भए अजाचक, जो चाहे सब पाई ।।८।।
धेनु बसन मणि आदिक दीन्हें, भूपति द्विज समुदाई ।
दीन संतोष जनम रघुवर को, उत्सव कहे न सिराई ।।९।।
।। दशरथनंदन कौशल्या लाल भगवान श्रीराम की जय ।।
